Tiranë/ Hidhet nga kati i katërt i banesës, vdes 39-vjeçarja

Një grua 39-vjeçare është vetëhedhur nga kati i katërt i pallatit ku banonte dhe për pasojë ka ndërruar jetë. Ngjarja ka ndodhur rreth mesditës së sotme në rrugën “Haki Stërmilli”.

Deri më tani, Policia e kryeqytetit ka mundur të bëjë vetëm identifikimin e të ndjerës, shtetases që mendohet të ketë inicialet M.H., ndërkohë që vijon hetimi për zbardhjen e rrethanave të ngjarjes.

Njoftimi

Tiranë

Rreth orës 13:27 në rrugën “Haki Stërmilli” dyshohet të jetë vetëhedhur nga kati i katërt i pallatit shtetasia M. H., 39 vjeçe e cila si pasojë e dëmtimeve të marra ka ndërruar jetë.

Policia po punon për zbardhjen e plotë të rrethanave të ngjarjes.