Plas në studio/ “Po më cënove gjënë e shenjtë, të vras” Kapexhiu sherr me Mustafan Nanon: Të duket vetja ateist, je i pafe

Artisti i njohur Bujar Kapexhiu dhe analisti Mustafa Nano janë përplasur së fundmi gjatë një debati televiziv, ku po diskutonin për karikaturat që ka bërë revista franceze “Charlie Hebdo”.

Në momentin që po flisnin në lidhje me fyerjet ndaj fesë, duke iu referuar karikaturës më të fundit ku shfaqet presidenti turk Rexhep Taip Erdogan, Nano u shpreh se Kapexhiu është i aftë dhe të vrasë nëse fyhet.

Ndërkohë Kapexhiu e pranoi hapur këtë, dhe tha se nëse Nano mund ti cënojë gjënë e shenjtë, aid he mund ta vrasë.

Kapexhiu nuk u ndal me aq dhe shtoi se Nano e quan veten ateist por për të është thjesht një i pafe.

PJESE NGA BISEDA:

Mustafa Nano (drejtuar Kapexhiut): Ky edhe të vret…

Bujar Kapexhiu: Unë edhe të vras Nano, nëse ti më cënon gjënë e shenjtë, të vras…

Mustafa Nano: Po ja, e tha vetë.

Bujar Kapexhiu: Po jo dëgjoni, se atij i duket vetja ateist, por unë këta i quaj të pafe.

Analisti Mustafa Nano tha se të gjithë mund të fyhen nga fenomene të tilla, por sipas tij nuk mund të ndalojmë lirinë e shprehjes që në Evropë ka arritur me shumë sakrifica.

“Mund të dali ndonjëri e të thotë shiko, unë fyhem sepse dëgjoj ezanin pesë herë të ditë, nuk kam lidhje me islamin, le të fyhet ai. Ne duhet të respektojmë myslimanët që e kanë ritual të tyren dhe është lira e besimit dhe duhet ta respektojmë këtë gjë. Liria e shprehjes është bashkë me demokracinë, janë gjërat të panegociueshme, nuk janë shpikur në një moment të caktuar, janë konkluzion që janë arritur ndër shekuj. Ka pasur sakrifica të mëdha për të arritur tek e drejta për të thënë mendimin tënd ashtu siç do”, u shpreh Nano.