Gjykata e Krimeve të Rënda i ka dhënë 32-vjeçarit, Elton Pikli masën e arrestit me lihet në burg. Vendimi është dhënë sot në seancën në ngarkim të tij.
Pikli është i arrestuari i pestë i lidhur me grabitjen në Rinas. Ai u arrestua me akuzat për veprat penale ‘Vjedhje me armë të kryer në bashkëpunim’ në kuadër të ‘Grupit të Strukturuar Kriminal’, ‘Mbajtje pa leje e armëve dhe municioneve luftarake’; ‘Vrasje e Punonjësve të Policisë’ e kryer në bashkëpunim e mbetur në tentativë”.
Gjithashtu Oltion Veseli, një nga të arrestuarit për grabitjen në Rinas kërkon të lirohet nga qelia. Përmes avokatit të tij Veseli ka ankimuar masën e sigurisë “arrest ne burg” caktuar me parë nga gjykata për Krimet e Rënda.
Në ankimin e depozituar në Apel Veseli pretendon se vendimi që e la në burg është marrë në mungesë të provave dhe fakteve.
