Kryemadhi “thumbon” Metën

Kryetarja e LSI, Monika Kryemadhi i ka përcjellë një mesazh kryeministrit Edi Rama, duke e paralajmëruar për përballje individuale dhe jo më ligjore.

Në një deklaratë kryetarja e LSI-së përmendi edhe bashkëshortin e saj Ilir Metën, teksa theksoi se ka ikur koha kur LSI-ja kishte hallin e Metës për stabilitetin e të dashurisë dhe qetësisë.

“Ndaj kam një mesazh për Ramën nga parlamenti i LSI. Meqë ka merak të madh për LSI, po ia bëj të qartë që LSI nuk është më e kohës kur kishte Ilir Metën që kishte hallin e stabilitetit e të dashurisë dhe qetësisë.

Dashuri dhe qetësi me kriminelin ka mbaruar, nuk ka me atë njeri që ka veshur me të zeza nënat e shqiptarëve.

E dimë që është e vështirë, por ne nuk do ndalemi, mund të ndalen burrat, por gratë e këtij vendi jo.

Rama të mos guxojë të cënojë asgjë të shqiptarëve se nuk do ketë përballje ligjoje, por personale se nuk ka për ta falur të aradhmen e fëmijëve asnjë,”- tha Monika Kryemadhi