Veliaj e akuzoi për vilën në Lalëz/ Ja si përgjigjet Kryemadhi: Lali Eri të deklarojë fustanet D&G të gruas

Pasi kreu i Bashkisë Tiranë Erion Veliaj e akuzoi për vilën në Gjirin e Lalzit, ka ardhur dhe reagimi i kryetares së LSI Monika Kryemadhi.

Në një konferencë para gazetarëve paraditen e sotme, ajo u pyet për këto akuza dhe deklaroi se vilën e saj në Gjirin e Lalzit e ka të deklaruar, dhe para vilës çiftet e reja dhe nuset bëjnë foto. Ajo iu kundërpërgjigj “Lali Erit” me një pyetje për të: Se kur do ta deklaronte ai vilën e tij dhe fustanet Dolce & Gabbana të bashkëshortes së tij.

“Dua të theksoj që Monika Kryemadhi e ka deklaruar këtë vilën e Lalzit. Biles vijnë dhe bëjnë foto te vila. Vijnë dhe cifte e bëjnë foto para vilës time në Lalëz.  Po puna është ky Lali Eri do ti deklarojë ato vilat e tij. Po ato fustanet e nuses së tij që janë Dolce & Gabbana?”, tha Kryemadhi.

Kujtojmë se ditë më parë kryebashkiaku Veliaj është shprehur kështu për Kryemadhin: Arsyeja pse PS-ja vazhdon të fitojë është sepse iu shërbejmë njerëzve me përulësi. Themi sa shtëpi të njerëzve hallexhinj që i humbën gjatë tërmetit do bëjmë sot? Kurse ata mendoja sa shtëpi dhe vila do shtojnë në bregdet apo tek kodrat e Tiranës. Kush prej demokratëve dhe atyre të LSI-së thonë Luli dhe Monika, o zot na jep fuqi që të ndihmojmë njerëzit sot?

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern