Tjetër lajm i mirë/ Vëllai i Alvin Berishës është gjallë, dyshohet se jeton dhe nëna

Një tjetër lajm i mirë vjen për Alvin Berishën, vogëlushin shqiptar që u shpëtua nga kampi famëkeq Al-Hol në Siri.

Mësohet se vëllai i tij që ndodhej në të njëjtin vend është gjallë.

Lajmin e ka dhënë drejtori i Sigurisë pranë Institutit të Marrëdhënieve Ndërkombëtare në Kosovë, Bedri Elezi.

Ky i fundit u shpreh se vëllai i Alvinit, Bunjamini 4 vjeç, pritet të mbërrijë sot në Shqipëri së bashku më tre fëmijët e tjerë.

Ndër të tjera Elezi shtoi se dyshohet se edhe nënë e Alvinit dhe Benjaminit është gjallë, por në gjendje kritike dhe dyshohet se ndodhet në një spital.

“Bunjamini afër katër vjeç dhe është fëmija që pritet të kthehet sot në Shqipëri ishte djali i Afërdita Berishës e martuar ne një djalë nga Ferizaj i cili është vrarë. Vogëlushi ka qenë në gjendje kritike në momentin që është marrë nga makina bashkë me Alvinin, nënën dhe me babain e tij, nuk ka pas njohuri nga njerëzit e tjerë të kampit, gjithashtu mendohet dhe ka dyshime se dhe nëna e Alvinit është plagosur rëndë dhe ndodhet në kampin e Al-Hol-it. Ndërkohë tashmë personat që kanë qenë të plagosur janë marrë nga autoritetet kurde dhe kanë marrë ndihmën mjekësore,” tha Elezi për ‘abc e mëngjesit’.