Një nga temat më të diskutuara politike këto kohë përpara zgjedhjeve elektorale ishte nëse ish-kryeministri Sali Berisha do të kandidonte për deputet apo jo.
Në daljet e tij televizive, Berisha është shprehur gjithmonë i rezervuar për këtë fakt por mbrëmjen e djeshme e ka konfirmuar që do të jetë kandidat për deputet.
Megjithatë, në një intervistë për gazetarin Roland Qafoku, ish-kryetari historik i PD preferoi ta mbante të fshehtë qarkun për të cilin do kandidonte.
Gazetari: Zoti Berisha ju a do jeni sërish kandidat për deputet? Berisha: Unë do të jem.
Gazetari: Në cilin qark? Berisha: Mbetet për tu përcaktuar.
Gazetari: Po dëshirën më të madhe ku e keni? Në Tiranë besoj. Berisha: Top Secret!