Disa ditë më parë moderatorja e njohur Arbana Osmani u bë nënë për herë të dytë.
Ajo solli në jetë djalin e saj Diell, fryt i dashurisë nga marrëdhënia me regjisorin Eduart Grishaj.
Lajmin e ëmbël e dha vetë Eduarti duke pozuar me vogëlushin në krahë.
Ndërsa Arbana publikoi një foto të duarve të të katërve si familje dhe falenderoi të gjithë për urimet.
Këtë javë ata kanë qenë në qendër të vëmendjes, teksa ditën e djeshme Arbana postoi edhe fotot e para pas shtatzënisë në Instagram.
Ajo u shfaq me një fustan në zi e trëndafil në dorë, teksa vëmendjen e morën linjat e saj.
Ndërkohë, ditën e sotme, moderatorja ka ndarë në Instastory selfien e fundit të shtatzënisë.
Ajo shihet e veshur me rroba të bardha, teksa ka qenë duke pritur për të shkuar në sallën e lindjes.
“Një javë më parë, duke pritur të shkoja në sallën e lindjes. Selfie i fundit shtatzënë!”, shkruan Arbana.