Kaloi semaforin me të kuqe/ Tenton të korruptojë policin me 50 mijë lekë, ja si e pëson i riu nga Tirana

Një 31-vjeçar nga Tirana ka rënë në prangat e policisë pasi ka tentuar që të korruptojë efektivët.

Mësohet se ai është identifikuar si shtetasi me iniciale G.T 31 vjeç,  i cili është kapur teksa kalonte me semafor të kuq, pro në momentin që policia i ka kërkuar dokumentet ai ka tentuar që t’i korruptojë me një kartëmonedhë 5 mijë lekëshe.

Ndërkohë kanë dalë dhe pamjet nga aksioni i policisë.

NJOFTIMI ZYRTAR I POLICISE

Rrugoret e kryeqytetit, kanë shtuar patrullimet policore në funksion të planit të veprimit për parkimet e gabuara dhe shkeljen e semaforit.

Gjatë patrullimit parandalues policor, efektivët e Komisariatit Rajonal të Policisë Rrugore Tiranë, kanë konstatuar drejtuesin e një automjeti me iniciale G. T, 31 vjeç,  se vazhdon lëvizjen ndonëse sinjalizimi i semaforit e ndalon atë.

Gjatë kryerjes së veprimeve policore dhe administrative, drejtuesi i automjetit, i ka ofruar agjentit verifikues një kartmonedhë prerje 5000 lekë, me qëllim shmangien e masës administrative.

Në këto kushte, është bërë menjëherë arrestimi në flagrancë i shtetasit me iniciale G. T, për veprën penale  “Korrupsionit aktiv ndaj personave që ushtrojnë funksione publike”, parashikuar nga neni 244 i Kodit Penal.

#PoliciaRrugoreNeSherbiminTuaj

#BashkePerSigurineTuaj