Ai u la jashtë listave të Partisë Demokratike, dhe si rrjedhim nuk mund të kandidojë për deputet në zgjedhjet e ardhshme të 25 prillit.
Bëhet fjalë për ish-deputetin Klevis Balliu, i cili ka bërë sot një reagim të fortë për mediat, ku ka lëshuar akuza të forta në drejtim të kryeministrit Edi Rama.
Sipas tij, Rama po kujdeset qëllimisht që gjendja e pandemisë COVID19 në vendin tonë të përkeqësohet.
Balli shtoi se kreu i qeverisë kërkon që të fusë shqiptarët sërish në karantinë, që të mos zhvillojë zgjedhjet.
“Edi Rama kërkon që gjendja e pandemisë të përkeqësohet, që të ketë justifikimin për të rikthyer karantinën që të mos ketë zgjedhje në Shqipëri.
Ai po kujdeset qëllimisht që situate e pandemisë të përkeqësohet”-tha Klevis Balliu.
Fjala e Plotë e ish deputetit:
Në vend të dekorohen për guximin e treguar, ku qytetarët përplasen me një diktaturë, nuk pyetën për banditët, dolën dhe protestuan për të mbrojtur paratë.
Del kryetari i bashkisë, përfaquesi i Ndragjetas në Shqipëri, velina e Edi Ramës, pranoi publikisht se nuk do të kishte pallate. Nuk na bëjnë asgjë më shumë veçse na karikojnë. Edi Rama jeton në luks, qytetarëve iu prishen shtëpitë.
Qëllimisht nuk merr masa për pandeminë me qëllim rikthimin e karantinës. Kërkon mbylljen e Shqipërisë. Kujdeset që pandemia të përkeqësohet.
Pse nuk vjen prokurori? Sa herë janë shtyrë seancat e mia? Pse? Duan të na mbajnë këtu…