Një infermiere e maternitetit të Peqinit ka rezultuar pozitive me virus. Për pasojë, janë futur në karantinë edhe 2 infermierë të tjerë që kanë pasur kontat me të.
Ndërkohë pritet të merret tamponi për të gjithë stafin ndërsa mësohet se materniteti do të qëndrojë i mbyllur deri në marrjen e përgjigjeve.
Disa ditë më parë është raportuar se janë mbyllur edhe kopshte pasi Covidi nuk po kursen askënd. Kopshti numër 8 në Elbasan është mbyllur pasi 8 persona, edukatore dhe sanitare kanë rezultuar me covid. Dy edukatore rezultuan të prekura disa ditë më parë dhe tamponët e stafit nxorën pozitiv edhe 6 të tjera.
Ndërsa Bashkia e Elbasanit mori masa për mbylljen e kopshtit dhe dezinfektimin e ambienteve. Dy ditë më parë, një kopsht publik në Peqin u mbyll pasi rezultoi pozitive me Covid njëra prej edukatoreve. Burime për Faxweb.al bënë me dije se kanë shfaqur simptoma 10 punonjëse, por asnjërës nuk i është marrë tamponi.