Një ngjarje e rëndë ka ndodhur sot në Tiranë.
Mësohet se një person është gjetur i pajetë në rrugën “Mine Peza” në qendër të kryeqytetit.
Sipas policisë, viktima ishte në një objekt të braktisur.
“Më datë 23.10.2020, rreth orës 13:01, në rrugën “Mine Peza”, në një objekt të braktisur është gjetur pa shenja jete një shtetas endacak ende i paidentifikuar.
Grupi hetimor dhe sherbimet e Policisë ndodhen në vendngjarje dhe po punojnë për zbardhjen e rrethanave të ngjarjes, ku nga hetimet paraprake nuk konstatohen shenja dhune”, thuhet në njoftimin zyrtar për ngjarjen.