Pas kërkesës së grave naftëtare në Ballsh të cilat vijojnë të kërkojnë zgjidhje, ka reaguar sërish kryeministri Edi Rama.
Ky i fundit u bën thirrje grevisteve që të dalin nga greva, ndërsa premton se do të shkojë personalisht te to.
“Unë jo vetëm nuk po hesht por po përsëris çdo ditë: Ndalni grevën dhe ulemi diskutojmë për hallin tuaj! Nuk ka negociata me presione e me ultimatume në një familje, po ka qarje halli me logjikë e me zemër të hapur! E thjeshtë:Dilni nga greva dhe do vij unë vetë tek ju menjëherë”, shkruan Rama.
Ndërkohë gjendja shëndetësore e grave greviste është rënduar, ndërsa ata kanë kërkuar nga Kryeministri zgjidhjen për kërkesat e tyre dhe jo reagime në rrjetet sociale.