“Ishte vendim i nxituar” Pëllumb Pipero kritikon hapur qeverinë: Jam i vetmi mjek që iu luta kryeministrit

Mjeku infeksionist Pëllumb Pipero ka kritikuar vendimin e qeverisë për të hapur kinematë.

Ai e konsideron këtë lëvizje si një hap të parakohshëm.

Gjithashtu Pipero ka theksuar dhe njëherë qëndrimin e tij për gjobën për personat që nuk vendosin maskë, duke thënë se është ndoshta mjeku i vetëm që i ka kërkuar dhe i është lutur kryeministrit Edi Rama që të tërheqë vendimin.

“Nuk ka të bëjë me ndërgjegjësimin se sa më urbanizimin. Ku ka më shumë qytetarë, ekspozimi është më i lartë. Kjo është një sëmundje urbane. Nuk mund të presim raste të mëdha në fshatra. Unë e kam konsideruar hapjen e kinemave një hap të nxituar, njësoj edhe për teatrot.

Ky virus nuk na mundëson për këtë kohë të shijojmë dhe të ndajmë me artistët emocionet tona, njësoj dhe me kinematë. Jam ndoshta i pari dhe i fundit mjek që i jam lutur kryeministrit që gjoba të rishikohet dhe të shtohen më shumë mundësitë për ne bluzat e bardha të jemi në komunikim”, tha Pipero.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern