Pasi kreu i Partisë Demokratike Lulzim Basha e akuzoi për aferën e inceneratorëve, ka ardhur dhe reagimi i kryeministrit Edi Rama.
Ky i fundit shkruan se Basha sa më shumë sulmon impiantet e plehrave, aq më shumë tregon se nuk ndahet dot nga malet e tyre.
“Ta qaj hallin, je mes gropës së Hajdin Saliut dhe grepit të Likes për tiganin e Monës!”, thekson kryeministri.
‘Ah Lul, të ka mbet ora tek Gropa e Hajdin Saliut, po habitem si s’e kupton që sa më shumë sulmon impiantet moderne të mbetjeve, aq më shumë tregon se nuk ndahesh dot nga malet me plehra të Sali Hajdinit! Ta qaj hallin, je mes gropës së tij dhe grepit të Likes për tiganin e Monës!, shton ai ndër të tjera në rrjetet sociale.