Ministri i Punëve të Brendshme Sandër Lleshaj mori fjalën në parlament dhe vlerësoi punën e Policisë së Shtetit në zbardhjen dhe vënien para drejtësisë të një pjesë të mirë të të përfshirëve në grabitjen e 9 prillit në aeroportin e Rinasit.
Lleshaj e cilësoi grupin që fshihet pas grabitjes në Rinas, jo vetëm të rrezikshëm, por edhe me lidhje të ngushta me celulat terroriste.
“Në Kosovë ky grup ka sulmuar banka, ka sulmuar policinë e shtetit ka lidhje me celulat terroriste. Mbetet në grupin shqiptar të mbahet kjo situatë e cila është e jashtëzakonshme. Ishte vetëm sot një shenjë interesante vlerësim, nga E Ngarkura me Punë e cila e vlerësoi si policinë më të mirë në Kuvend” – u shpreh Lleshaj nga foltorja e Kuvendit.
