Përtej çdo imagjinate/ Shqipëria thyen rekord për çmimin e naftës në botë, ja kush e kryeson listën i pari

Shqipëria vazhdon të mbetet një nga vendet me çmimin më të lartë të karburanteve edhe pse qytetarët ankohen vazhdimisht për cilësinë.

Një litër naftë në treg kushton 76 lekë më shumë se mesatarja globale.

Sipas të dhënave më të të fundit të Global Petrol Prices, një prej agjencive më të mëdha të matjes së çmimit të naftës në botë, Shqipëria mban vendin e dytë mes 164 shteteve.

Një litër naftë në Shqipëri shitet me 169 lekë ndërkohë që çmimi mesatar në botë është vetëm 93 lekë.

Në një kohë kur ekonomia shqiptare ka marrë dy goditje, atë të tërmetit të 26 nëntorit dhe pandemisë, është shënuar dhe rritja e papunësisë dhe mungesë të ardhurash, çmimi i karburanteve është bërë thuajse të papërballueshëm nga qytetarët shqiptarë.

Sipas Global Petrol Price, çmimet më të shtrenjta të naftës i kanë vendet e zhvilluara, ndërsa vendet prodhuese dhe ato tipikisht të varfra kanë çmimet të ulta, ndërkohë që Shqipëria bën një përjashtim.

Pavarësisht çmimit të lartë cilësia e karburanteve në vendin tonë mbetet një shqetësim i vazhdueshëm për qytetarët të cilët denoncojnë se nafta dhe benzina e keqe shpesh u dëmton dhe automjetet.

“Cilësia është shumë e keqe, shumë e dobët”

“Nafta shumë e keqe dhe çmimi shumë i lartë.”

Të dhënat e Global Petrol Price bëjnë me dije se i vetmi vend që ja kalon Shqipërisë për çmimin e lartë të naftës është Hong Kong-u ku një litër naftë shitet me 194.81 lekë.