LIGJET E BIZNESIT
Këngëtarja Fjolla Morina pas telasheve me drejtësinë, duket se po kalon një periudhë të bukur në jetën e saj.
Edhe pse në momentin e arrestimit, ajo deklaroi se me biznesmenin Fisnik Syla kishte thjesht marrëdhënie shoqërore pasi ai ishte i martuar, duket se gjërat nuk paskan qenë kështu.
Fjolla ka vendosur të pranojë romancën me Sylën, duke shpërndarë në rrjetet sociale dhe foton e parë me të.
Përveçse ka marrë guximin të shfaqet hapur me të, këngëtarja i ka bërë partnerit edhe një deklaratë të madhe dashurie. Fjolla shprehet se kur dashuria mes dy personave është e vërtetë është në gjendje të kalojë çdo vështirësi, sepse ajo fiton mbi gjithçka.
“Thonë që ‘në dashuri fiton kush ikën’. Nuk është e vërtetë. Në dashuri fiton ai/ajo që rri. Dashuria nuk është e lehtë! Në dashuri duhet të dish të ndash dhimbjen, pasionin, vuajtjet.
Ndonjëherë dashuria vë në dyshim gjithçka që ti ke besuar, por kur dashuria është e vërtetë atëherë ajo është në gjendje të superojë çdo vështirësi, çdo pengesë, sepse dashuria fiton mbi gjithçka. Ne në çdo pengesë fituam njëri-tjetrin. Të dua Fisnik Syla”, shkruan Fjolla bashkangjitur fotos.
Morina ka qenë kryefjala e mediave gjatë këtyre javëve pas arrestimit të saj nga policia shqiptare në kufirin e Morinës. Pas një kontrolli në makinë, Fjollës iu gjetën 2 pistoleta, njëra prej të cilave ishte çakmak.
Këngëtarja shoqërohej nga dy persona, shoferi Fitim Muji dhe biznesmeni Fisnik Syla. Në fillim ajo e mohoi lidhjen me Fisnikun, më pas e pranoi duke u shprehur para policisë: “Me Fisnik Syla, jam njohur që herët dhe tani jemi të dashur, gati për martesë, por nuk e kam nxjerrë nëpër media, duke e mbajtur privat”.
