LIGJET E BIZNESIT
Dje kryeqyteti i Islandës, Reikjavik, u godit nga një tërmet i fuqishëm 5.6 të shkallës Rihter.
Pikërisht në momentin e lëkundjes, kryeministrja e Islandës Katrin Jakobsdottir po jepte një intervistë ‘live’ mbi ndikimin e pandemisë në turizëm.
Kur banesa e saj filloi të tundej, udhëheqësja e Islandës duket se është befasuar dukshëm.
“O zot, tërmet”, tha ajo. “Më falni, sapo ra një tërmet tani. Uau”.
Por Jakobsdottir u kthye shpejt për të folur për çështjen në fjalë, duke shtuar: “Epo kjo është Islanda” duke vazhduar përgjigjen e saj ndaj pyetjes.
“Po unë jam shumë mirë, shtëpia është akoma e fortë, kështu që nuk ka shqetësime”, shtoi ajo më vonë.
