Kryeministri Rama dhe ministri grek Dendias njoftuan sot se qeveria shqiptare dhe ajo greke do ta çojnë përpara zgjidhjen e mosmarrëveshjes për zonat detare në Hagë.
Bashkimi Europian mirëpret këtë lajm. Përmes një postimi në rrjetet sociale Zëdhënësja e Komisionit Europian, Ana Pisonero ka shkruar: “BE mirëpret njoftimin nga qeveritë dhe për të ecur përpara në mosmarrëveshjen e tyre detare. Çështjet në lidhje me caktimin e kufijve adresohen më së miri përmes dialogut, në përputhje me ligjin ndërkombëtar dhe në ndjekje të parimit të marrëdhënieve të fqinjësisë së mirë”.
Shqipëria dhe Greqia ranë dakord sot që zgjidhja e çështjes së kufijve detarë dhe përcaktimit të Shelfit Kontinental dhe Zonave Ekonomike Ekskluzive, t’i besohet Gjykatës Ndërkombëtare të Drejtësisë të Hagës.
Njoftimi u bë gjatë vizitës në Tiranë të ministrit të Jashtëm grek Nikos Dendias, në përfundim të takimit që ai pati me kryeministrin dhe ministrin e Jashtëm shqiptar Edi Rama.