Me rastin e vizitës së kryediplomatit grek Nikos Dendias ditën e sotme, një protestë po zhvillohet para Ministrisë së Jashtme në Tiranë.
Madje situata ka përshkallëzuar, pasi protestuesit janë përplasur me policinë, që u ka kujtuar se tubimet janë të paligjshme në këtë kohë pandemie.
Uniformat blu kërkojnë që ata të zhvendosen më tutje.
Bëhet me dije se disa nga protestuesit që nuk janë bindur, janë shoqëruar për në komisariat.
Kujtojmë se Ministri i Jashtëm grek, Nikos Dendias pritet të mbërrijë në ministri në orën 11:30, ku është planifikuar një takim me kryeministrin Edi Rama. Në media greke, është raportuar se çështja e zgjerimit të Greqisë në Jon pritet të jetë temë e takimit.