A do kemi karantinë të dytë? Zv.ministrja e Shëndetësisë zbulon skenarët që mund të izolojnë sërish Shqipërinë

Ditët e fundit në vendin tonë shifrat e të prekurve nga COVID19 janë rritur në mënyrë të frikshme.

E njëjta gjë po ndodh dhe në Europë, ku shumë shtete kanë shtuar masat kufizuese kundër përhapjes së virusit.

Kujtojmë se të enjten e kaluar ka nisur zbatimi me detyrim i mbajtjes së maskës edhe në ambiente të hapura.

Ndërkohë kjo situatë ka sjellë dhe shqetësimin e të gjithëve, ku një nga pyetjet që është ngritur më së shumti është ajo nëse do të ketë një karantinë të dytë.

Në lidhje me këtë ka folur zv.ministrja e Shëndetësisë, Mira Rakacolli.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

E ftuar në programin e mëngjesit “Wake up” ajo ka treguar skenarët që mund të sjellin izolimin e dytë të Shqipërisë.

“Treguesit janë shumë kompleksë, nuk ka një tregues të vetëm, të cilit ne duhet të bazohemi që të vendosim për të bërë mbylljen e disa aktiviteteve.Natyrisht që është një gjë që po mundohemi shumë të parandalojmë, por është një problem që ne e diskutojmë mjaft.

Është një gjë që nuk duam ta rekomandojmë, pavarësisht se qëllimi kryesor është mbrojtja e jetës së qytetarëve, është ruajtja e shëndetit të tyre dhe do të merren të gjitha masat, të cilat shkojnë në radhë të parë në ruajtjen e shëndetit fizik të tyre.Por, treguesit të cilët do të na çojnë që të bëjnë një rekomandim të tillë janë shumë kompleksë. Numri i jetëve të humbura dhe numri i atyre që kanë nevojë për marrjen e kujdesit intensiv.

Pra, një ndërthurje e këtyre numrave, një analizë e thelluar në ndërthurjen e këtyre numrave mund të na çojë në atë masë”, deklaroi Rakacolli.