“Veproni shpejt!” Ambasadorja Kim ultimatum KED: Gjykata Kushtetuese të jetë gati në fund të vitit

Një thirrje e fortë vjen nga ambasadorja e SHBA në Tiranë Yuri Kim.

Kjo e fundit i ka bërë thirrje Këshillit të Emërimeve në Drejtësi që të veprojë shpejt dhe të vlerësojë kandidatët për anëtarë të Gjykatës Kushtetuese.

Kim thekson se Parlamenti dhe Presidenca kanë publikuara secili listën me emrat e kandidatëve, dhe sipas saj në fund të vitit Gjykata Kushtetuese duhet të jetë funksionale.

“Presidenca dhe Parlamenti tani kanë publikuar listat e tyre përkatëse të kandidatëve për Gjykatën Kushtetuese. Ne i duartrokasim ata që iu përgjigjën thirrjes për të vepruar. Ne inkurajojmë Këshillin e Emërimeve në Drejtësi të veprojë shpejt për të vlerësuar kandidatët. Duhet ta kemi Gjykatën Kushtetuese në fund të vitit”, shkruan numri një i diplomacisë amerikanë ne vendin tonë.