LIGJET E BIZNESIT
Kryeministri Edi Rama e ka nisur javën me një mesazh të koduar për liderin e Partisë Demokratike Lulzim Basha.
Ai ka zgjedhur të postojë disa statistika që tregojnë sipas tij shkallën e mbulimit të popullsisë me shërbime për menaxhimin e mbetjeve.
Rama ‘thumbon’ drejtpërsëdrejti Bashën duke thënë se ata që i lanë të gjitha qytetet e vendit me plehrat male male, sot duan të mbulojnë diellin me shoshë.
“Mirëmëngjes, dhe me këto të dhëna kuptimplota të përparimit që kemi bërë në drejtim të ngritjes së një sistemi grumbullimi e përpunimi të mbetjeve, ndërkohë që ata të cilët e lanë vendin në gjendjen e mosozotshme me male plehrash në çdo qytet, kanë vënë kujën për ta mbuluar diellin me shoshë, ju uroj një javë të mbarë”, shkruan Rama krahas fotos që shpërndan.
