I përmendën nënën e vdekur, përlotet Rama, reagon me deklaratën e fortë

Kryeministri Edi Rama reagoi sërish sot, pasi mbremjen e së enjtes në Opinion u përlot dhe u tensionua kur i përmendi Sali Berisha nënën e ndjerë.

Kreu i qeverisë thotë se opozita merret me nënën e tij të vdekur. Rama shprehet se PD-ja nuk ka për t’i gënjyer njerëzit dhe do apo nuk do kryetari i PD-së Shqipëria do të pastrohet nga plehrat.

“Merren me nënën time të ndjerë dhe shajnë si të dehur, e kujtojnë se do gënjejnë shqiptarët duke ua bërë të bardhën të zezë me balonat tabake e tauke që i nxjerrin nëpër dyert e fushave sanitare sa në Sharrë e sa në Fier, për të recituar vjershat e mjerimit që në fakt e mishêrojnë! Duan s’duan Lulëzimi dhe balonat e tij Shqipëria do pastrohet nga malet e plehrave, Tirana, Durrësi, Elbasani, Fieri, Vlora e me radhë nuk do të kthehen tek malet e plehrave të Saliut e të partisë që ka program rrënimin e rrëmujën në çdo fushë të jetës shqiptare”, shkruan Rama.