Ilirjan Hasanaj 19 vjeçari që dyshohet se kreu atentat ndaj shefit të policisë bashkiake në Malësinë e Madhe, është vetëdorëzuar në polici.
19 vjeçari është vetëdorëzuar pranë patrullave të policisë në Velipojë pas disa ditëve arrati.
Arben Hasanaj, babai i Ilirjan Hasanaj i bëri thirrje të birit më herët të dorëzohet, duke deklaruar se do të jetë polic në kapjen e tij, duke bashkëpunuar me drejtësinë.
Sipas rindërtimit të parë të ngjarjes së ndodhur mesditën e 11 tetorit në Shkodër, Ilirjan Hasanaj i është afruar mjetit të kreut të bluve dhe ka qëlluar me breshëri automatiku duke plagosur Mentor Hasanajn dhe babain e tij, ndërsa shpëtoi pa lëndime e shoqja.
Pista kryesore në të cilën po heton aktualisht policia, është ajo e shënjestrimit për shkak të detyrës.