LIGJET E BIZNESIT
Mjeku infeksionist Pëllumb Pipero ka treguar njëherë e mirë se pse duhet mbajtur maska dhe në rrugë, kur ai vetë më herët ka thënë që një gjë e tillë nuk është e nevojshme.
Pipero ka deklaruar në “Open” se shqiptarëve duhet t’i bëhet ves mbajtja e maskave.
Edhe pse virusi nuk ndodhet në ajër tha Pipero, duhet mbajtur maska pasi në rrugëmund të shkëmbehemi dhe të takohemi me një person mbartës të virusit, dhe kështu jemi të ekspozuar.
Pipero: Tani situata është shumë e rëndë. Janë rritur infeksionet ndërkohë që ne vijojmë të hapur. Në fillim të pandemisë shumë specialistë dhe politikanë, kanë pasur endrime kontradiktore. Qendrimi në lidhje me maskën në mjedise të hapura do të jetë i njejtë. Në radhë të parë virusi nuk qarkullon në mjedis të jashtëm, qarkullon me ne qytetarët, nuk ka as duar as këmbë. Ajëri i jashtëm është i shëndetshëm, nuk ka virus jashtë pa praninë e qytetarëve. Përdorimi i masave, maskat të parat, që kufizojnë përhapjen e virusit. Jam i pari specialist në këtë vend që kam deklaruar se maskat duhet të jenë të detyrueshme në mjedise të mbyllura, dhe u bë. Kam thënë që jam kundër maskave në mjedise të hapura, dhe sot i qendroj kësaj, por duhet të na bëhet refleks.
Nëse s’ke përballë një person, nëse nuk rri 1 metër afër tij dhe nuk bisedon për 15 minuta, nuk merret virusi në ajër. Qendrimi im në raport me efikasitetin nuk ka ndryshuar, me nevojën ka ndryshuar. Duhet që të na bëhet refleks, sepse mund të jemi duke ecur dhe na del dikush përpara. Po të kemi maskë e shmangim ekspozimin. Udhëzimi duhet respektuar. Kur kam thënë që maska duhet të bëhet e detyrueshme unë në këtë situatë kam qenë dhe jam kundër çdo gjobe sepse ne shqiptarët boll jemi gjobitur nga natyra, dy tërmete dhe pandemia. Ne duhet të mësohemi të respektojmë çdo rregull dhe ligj që vjen sepse historikisht shqiptarët janë lidhur pas fjalës dhe jo pas normave administrative.
