Historia sa e dhimbshme aq dhe frymëzuese, 55-vjeçari mposht koronavirusin pas 8 muajsh i infektuar

Me 4 mars u diagnostikua me Covid-19 dhe vetëm tashmë është i pastër.

Historia e çuditshme është regjistruar në Itali. Pacienti fatlum, pasi deri më tani i ka mbijetuar virusit famëkeq për rreth 8 muaj është 55-vjeçari, Stefano Lancilli.

Ish punonjësi i stacionit të policisë në Lodi u shtrua në fillim të muajit mars në një spital të Cadogno, ku vuante nga sëmundja e pneumonisë.Një odise që zgjati për muaj të tërë, derisa të premten më 9 tetor ai doli nga spitali i Sant’Angelo Lodigiano.

“Që kur vuri këmbën në spital ai ka humbur 35 kg. Vuante nga pneumonia dhe më pas doli pozitiv në testet e koronavirusit. Ai rrezikonte të humbiste jetën, por mjekët bënë mrekullinë duke e ndihmuar të ngrihet sërish në këmbë dhe të vijojnë jetën i qetë dhe pa virusin Covid,” rrëfeu bashkëshortja e tij.

Ndërkohë, Ministria e Brendshme ka vendosur t’i jap një tjetër arsyeje për të jetuar 55-vjeçarit, duke e nxjerr në pension të parakohshëm. Një histori tepër e dhimbshme, por një sinjal mjaft i mirë për të gjithë njerëzimit që po kalon momente tepër të vështira që prej fillimit të këtij viti.