Drejtori i Urgjencës Kombëtare, Skënder Brataj ka folur për vendimin e mbajtjes së maskës me detyrim, që do të hyjë në fuqi nga 15 Tetori dhe njerëzit duhet ta mbajnë në cdo ambient përvec shtëpisë. Në të kundërt do të gjobiten me 2-5 mijë lekë dhe masa ndëshkimore do të zbatohet në faturën e energjisë elektrike.
I ftuar në studion e lajmeve të Fax News, Brataj zbuloi se ndryshimin mes maskave dhe cilat arrijnë të bllokojnë spërklat që mund të përhapin sëmundjen e koronavirusit.
“Maska ka mbi 100 vjet që ka dalë dhe ka kryer funksionin e vet. Nuk mund të vihet në diskutim pas 100 vitesh nëse na mbron apo jo. Kemi thënë që është proces dinamik dhe do të jetë deri në përfundim, prandaj do ti përshtatemi si të jetë dinamika e virusit se synimi është shëndeti i qytetarëve.
Problemi i maskave është përdorimi dhe lloji i tyre. Përdorimi profesional që është brenda dhe jashtë shëndetësisë. Ka maska që janë në kolektiv në komunitet, ka dhe maska kirurgjikale ose mjekësore. Maskat e përdorura si faciale janë zakonisht të plota që është maska dhe syzet, ose gjysmë që është maska, ose ka maska kirurgjikale që janë ato tipiket ose barriera si kjo që kisha unë dhe janë maskat kundër pluhurit që janë profesionale. Nuk janë vetëm për mjekësinë, por për të gjithë punët ku ka pluhur dhe pluhuri shkon në rrugët e frymëmarrjes dhe shkakton shumë sëmundje.
Virusi është provuar që rruga kryesore e transmetimit janë spërklat. Në ambient të mbyllur do ta nxjerrim nëpërmjet kollës apo tështitjet ose frymëmarrjes që kur hyn ka temperaturën e ajrit, kur del është më e ngrohtë se organizmi ka temperaturë 36 gradë minimum. Duke dalë nga e ngrohta në të ftohtë, ajo për arsye të kondensimit, bllokohet tek maska. Këtë rol e kryen çdo maskë, veç asaj me valvul. Ajo me valvul do të thotë që do thith ajrin, do mbrohem për vete por do nxjerr ajrin e infektuar që është burim infeksioni për të tjerët. Ajo përdoret në spitale Covid ku ju jeni i sëmurë dhe unë nxjerr të njëjtin ajër pasi ju jeni i sëmurë, nuk ju krijon problem, por jo në komunitet”, tha Brataj.