Na ndajnë më pak se një muaj nga zgjedhjet në SHBA.
Kujtojmë se presidenti aktual Donald Trump, i cili do të kandidojë përsëri, u infektua me COVID19, dhe duket se kjo diagnozë e ka rikthyer pandeminë në epiqendër të garës presidenciale.
Së fundmi, mjeku Sean Conley ka deklaruar se Trump i është përgjigjur mjekimit “jashtëzakonisht mirë”.
Sipas tij, kreu i Shtëpisë së Bardhë e ka përfunduar trajtimin për koronavirus, dhe mund të kthehet këtë javë në angazhimet e tij publike.
Pas deklaratave të mjekut, presidenti amerikan është shprehur se ka mundësi që të bëjë një tjetër provë për koronavirusin dhe shpresonte të mbante një tubim gjatë fundjavës, raporton BBC.
Më herët Trump u tërhoq nga debati televiziv të enjten e ardhshme me rivalin demokrat Joe Biden. Ai tha se “nuk do ta humbas kohën time në një debat virtual” pasi organizatorët thanë se do të duhej të zhvillohej në distancë sepse Trump kishte dalë pozitiv për COVID19.