Akademiku Artan Fuga ka komentuar pezullimin e rektorit të Universitetit të Tiranës, Mynyr Koni nga ana e ministres së Arsimit Besa Shahini. I ftuar në emisionin “A show” në “News 24”, Fuga e konsideroi këtë pezullim si goditje për autonominë universitare.
Ai shtoi se gjendja në universitetet e Shqipërisë ka qenë keq, por është bërë edhe më keq.
“Unë s’jam këtu për të bërë propagandë politike. Mund të them se gjendja ka qenë keq dhe është bërë akoma dhe më keq. Me vendimin e ministres së Arsimit Besa Shahini për pezullim të rektorit Mynor Koni është goditur autonomia universitare. Gjendja në universitetet e Shqipërisë ka qenë keq, por aktualisht është akoma më keq”, deklaroi Fuga.
Profesor Artan Fuga theksoi se jemi sot në gjendjen ku po pezullohen rektorë, po shkallmohet autonomia universitare dhe studentët janë jashtë në rrugë, si kurrë ndonjëherë.
