Sot ditë e madhe për PS/ Mblidhet Asambleja e partisë, priten ndryshime të forta në qeveri

Dita e sotme do të shoqërohet me zhvillime të forta në politikë.

Mësohet se pas disa shtyrjesh rradhazi për shkak të pandemisë dhe vetë anëtarëve, Partia Socialiste do të zhvillojë mbledhjen e saj të Asamblesë pasditen e sotme.

Ajo do të mbahet në ambient të hapur, konkretisht te amfiteatri i Liqenit Artificial në orën 15.30.

Në të pritet të jenë të pranishëm 350 anëtarët e PS, të cilët do të jenë të detyruar të mbajnë maska, si dhe të respektojnë rregullat e tjera anti-COVID19.

Në fillim, do të jetë kryeministri Edi Rama i cili mban postin edhe të kryetarit të PS, i cili do të mbajë fjalën hyrëse dhe më pas do të bëhet zgjedhja e organeve drejtuese të kësaj force politike.

Mbetet për t’u parë nëse Rama do të komunikojë ndryshime në qeveri, të cilat përfliten e përfliten prej muajsh, e në rast se kjo ndodh, padyshim që basti më i sigurt, është shkarkimi i Sandër Lleshajt. Ky i fundit edhe vetë ka dhënë sinjale tërheqjeje, duke thënë se nuk mund të ketë poste të përjetshme, ndërkohë që më herët është hequr dhe nga drejtimi politik i qarkut të Lezhës.

Axhenda e Asamblesë së PS-së

Pjesa e parë
Hapja e mbledhjes.
Fjala e Kryetarit të Partisë dhe Kryeministrit, Edi RAMA.
Propozimi dhe zgjedhja e organeve drejtuese të Partisë.

Pjesa e dytë
Projekt-Rregullore për organizimin dhe zhvillimin e fushtaës ”Zgjidh deputetin tënd”;
Miratimi i Librit të Rregullave të Partisë:
Projekt -rregullore: “Organizimi dhe funksionimi i AK të Partisë” ;
Projekt- rregullore: “Organizimi dhe funksionimi i Kryesisë së Partisë”;

Projekt-rregullore: “Organizimi dhe funksionimi i Sekretariatit Ekzekutiv të Partisë”;
Projekt-rregullore: “Komisioni i Garancive Statutore dhe Etikës”;
Projekt-rregullore: “Kryefinancieri dhe Këshilli i Mbikëqyrjes Financiare të Partisë”;
Projekt-rregullore: “Strukturat organizative vendore të Partisë”;
Projekt-rregullore: “Grupi i këshilltarëve socialistë në bashki”;

Projekt-rregullore: “Strukturat elektorale vendore”;
Projekt-rregullore: “Kodi i Etikës në Parti”;
Projekt-rregullore: “Kodi i Zgjedhjeve në Parti”;
Projekt-rregullore: “Votëbesimi në parti”;

Projekt-rregullore: “Marrëdhëniet e partisë me Organizatat e tjera”;
Projekt-rregullore: “Dokumentacioni në parti dhe administrimi i tij”;

Mbyllja e mbledhjes.
Shënim: E detyrueshme mbajtja e maskës nga pjesëmarrësit në mbledhje