Ju skadon karta e identitetit? Ministria e Brendshme nxjerr njoftimin e rëndësishëm

Një njoftim i rëndësishëm ka dalë për të gjithë ata persona që ju skadon karta e identitetit brenda vitit.

Ministri i Brendshëm Sandër Lleshaj thekson nëpërmjet një postimi se duhet të nxitojnë për të bërë aplikimin e ri, në mënyrë që të shmanget fluksi që pritet javën e fundit të vitit 2020.

Ndër të tjera ai kujton se vlefshmëria e kartave ID që skadonin gjatë 2020, u shty deri më 31 dhjetor.

“Skadimi i saj e bën të pamundur marrjen e shërbimeve për qytetarët, nga fillimi i vitit të ardhshëm. Ri-aplikimi për kartë ID mund të bëhet në çdo zyrë, pavarësisht vendbanimit”, shkruan Lleshaj.

Njoftimi

Në 31 dhjetor 2020 skadojnë një numër i lartë kartash identiteti të shtetasve shqiptarë. Për shkak të pandemisë, vlefshmëria e ID kartave që skadonin përgjatë vitit 2020, u shty deri në datën 31 dhjetor. Kjo pritet të sjellë një fluks aplikimesh javët e fundit të vitit.
Ndaj, aplikoni pa humbur kohë, për të evituar radhët!!

Një numër i madh shërbimesh tashmë kryhen online, nëpërmjet kartës së identitetit.

Karta e identitet ju shërben për:
• Veprime administrative
• Veprime financiare
• Kalim në Pika Kufitare
• Kusht për rinovimin e pasaportës

Skadimi i ID kartës e bën të pamundur marrjen e shërbimeve për qytetarët, nga fillimi i vitit të ardhshëm.

Ri-aplikimi për ID kartë mund të bëhet në çdo zyrë, pavarësisht vendbanimit.

Shërbimi i pajisjes me dokumente identiteti është i pranishëm edhe në Ambasada e Konsullata shqiptare në 6 shtete: në Greqi, Itali, Belgjikë, Gjermani, Britania e Madhe dhe SHBA.

Për t’u ri-pajisur me ID kartë:
• Bli kuponin për Letërnjoftimin/Kartën ID, pranë Zyrës Postare
• Rezervo online orarin në e-Albania
• Paraqitu në Zyrën e Aplikimit
Apliko sot, të mos përballesh me surpriza të pakëndshme nesër!