Gjenden trupat e dy të rinjve, të cilët u denoncuan si të zhdukur nga familjarët në Komisariatin e Policisë së Malësisë së Madhe ditën e shtunë.
Sipas uniformave blu bëhet me dije se janë gjetur trupat e pajetë të Vilson Çutajt, 37 vjeç dhe Klement Pepajt, 21 vjeç, kushërinj me njeri-tjetrin.
Viktimat dyshohet se janë vrarë me armë zjarri nga personi i tretë që rezulton i zhdukur, Daniel Pepaj, 25 vjeç.
Policia dyshon se ky i fundit është dhunuar nga dy viktimat pas një konflikti për kanabisin.
Një ditë më vonë dyshohet se Daniel Pepaj i ka ekzekutuar të dy dhe më pas është larguar ilegalisht për në Mal të Zi.