Nami në Elbasan/ COVID19 infekton 17 persona, mes tyre efektivi i ‘Shqiponjave’ dhe drejtoresha e shkollës

Qyteti i Elbasanit është ‘pushtuar’ sërish nga koronavirusi.

Mësohet se gjatë 24 orëve të fundit kanë rezultuar pozitivë me COVID19 plot 17 persona.

Ndërkohë mes tyre është një efektiv i Forcave Shqiponja dhe drejtoresha e shkollës 9-vjeçare në fshatin Katund i Ri, Bradashesh.

Gjithashtu është prekur dhe një pedagoge në universitetin “Aleksandër Xhuvani”.

Tamponi është kërkuar t’ju bëhet të gjithë personave që mund të kenë pasur kontakte me të infektuarit.

Deri më tani në vendin tonë 407 persona e kanë humbur jetën nga koronavirusi, ndërsa numri i përgjithshëm i të infektuarve ka shkuar në 14.730.