Kërcet pistoleta në Durrës/ Plagoset një person, policia jep detajet e para

Një ngjarje e rëndë ka ndodhur gjatë natës që sapo lamë pas në Ishëm të Durrësit.

Mësohet se një person ka mbetur i plagosur me armë zjarri.

Bëhet fjalë për një 40-vjeçar, i cili ndodhet jashtë rrezikut për jetën.

Ndërsa autori tashmë është identifikuar dhe është shpallur në kërkim.

Dyshohet se ngjarja ka ndodhur për motive të dobëta pas një konflikti të castit.

“Specialistët për Hetimin e Krimeve në Komisariatin e Policisë Durrës kanë shpallur në kërkim dhe po punojnë për kapjen e shtetasit G. S., 40 vjeç, banues në Mirditë.

Ky shtetas, më datë 06.10.2020, rreth orës 01:00, në fshatin Gjuricaj, Ishëm, Durrës, pas një konflikti të çastit për motive të dobëta, ka plagosur me armë zjarri në këmbë, shtetasin E. T., 36 vjeç, banues në Ishëm, Durrës, i dënuar më parë për dhunim banese, kryer në bashkëpunim.

Shtetasi E. T. ndodhet në spital, nën kujdesin e mjekëve, jashtë rrezikut për jetën.

Materialet i kaluan Prokurorisë së Rrethit Gjyqësor Durrës, për veprat penale “Armëmbajtja pa leje” dhe “Plagosja e rëndë me dashje”, thuhet në njoftimin zyrtar të policisë.