Kush janë katër të arrestuarit për grabitjen e Rinasit? – Policia nis aksionin në Elbasan

Policia ka ndaluar katër persona në lidhje me grabitjen e miliona eurove në Rinas, një aksion i nisur ditën e dielë në Elbasan. Ndërkohë, në këtë kuadër Policia po vijon kontrollet edhe ditën e sotme në disa banesa të qytetit.

Të arrestuarit janë shtetasit Renaldo Sula, Sajmir Çela, F. Beqiraj dhe Ajkon Bregasi. Ato janë konstatuar nga provat e mbledhura prej grupit hetimor lidhur me modifikimin e makinave që kanë përdorur grabitësit disa ditë më parë.

Ndërkohë, krahas banesave Policia ka vënë nën shënjestër njëkohësisht edhe serviset, ku të dielën ka kontrolluar një subjekt në rrugën e Metalurgjikut po në Elbasan, ku dyshohet se janë modifikuar automjetet e përdorura në grabitjes si dhe furgoni me mbishkrimin “hetimi tatimor.”

Ndërkaq, pritet që sot të ketë edhe një deklaratë nga Policia lidhur me hetimet për grabitjen si dhe personat e dyshuar.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern