Tajlanda organizon Festivalin e hashashit

Vitin e kaluar, Tajlanda u bë vendi i parë në Azinë Juglindore, që legalizoi marijuanën për përdorim mjekësor. Sot, janë gjithmonë e më të shumtë ata që e kërkojnë për sëmundje të ndryshme.

E kjo u duk qartë në festivalin debutues të hashashit, që u zhvillua në një qytet verilindor të vendit. Të shumtë ata që morën pjesë, ndërsa entuziazmi ishte i madh.

Murgu Chaivisit Visitvekin ishte një prej mijëra njerëzve që zunë radhë përpara dyerve të Ministrisë së Shëndetësisë, me qëllimin të regjistroheshin për të marrë pjesë në eventin e organizuar si pjesë e amnistisë së personave që e përdorin kanabisin për lehtësimin e dhimbjeve.

Ai hodhi një pikë vaj kanabisi poshtë gjuhës dhe rrëfeu se kjo i zbut dhimbjen e shpatullës.

Tregu global i marijuanës llogaritet të zgjerohet ndjeshëm brenda një dekade, megjithatë në Tajlandë, implementimi i këtij ligjit po zvarritet pavarësisht ngazëllimit të vendasve.

Festivali tre ditor i Buriramit kishte për qëllim të tregonte pikërisht përfitimet nga një përdorim i kujdesshëm i saj. 24 vjecarja Surrerat Ruangnoy tha se e ka përdorur marijuanën për të luftuar me migrenën, dhe shtoi se shpreson shumë qe evente të ngjashme me këtë festival, të ndihmojnë në zbutjen e stigmës që rrethon këtë bimë.