“E marta vjen shpejt” E përjashtoi nga konferenca? Gazetarja mesazh Ramës: Kjo është shumë e turpshme

Gazetarja Ambrozia Meta ka treguar sot një episod të pazakontë që i ka ndodhur me një nga koordinatoret e Partisë Socialiste.

Sipas saj, Rama ka vendosur ta përjashtojë sot nga takimi që bëri me gazetarët e tjerë.

Gjithashtu, gazetarja e “Syri Tv” ka publikuar dhe bisedën që ka bërë me koordinatoren e Ramës, e cila i ka thënë se takimi do të ishte në tv personal të kryeministrit ERTV dhe jo me gazetarë të tjerë.

Por në fakt, takimi është bërë me gazetarët që mesa duket ka vendosur ti zgjedhë vetë kreu i qeverisë, duke përjashtuar kështu “Syri TV”.

Për këtë gjë, ka reaguar edhe vetë gazetarja:

Sot, Kryeministri Rama, në cilësinë e Kryetarit të PS, zhvilloi një bashkëbisedim me gazetarët. Koordinatorja e Zyrës se shtypit të Partisë Socialiste, ka ftuar privatisht gazetarët që të marrin pjesë në bashkëbisedim.

Më shumë se përjashtimi im nga ky bashkëbisedim, që nuk është i fundit se e marta vjen shpejt, është shumë e turpshme se si gënjen kjo Koordinatore e zyrës së shtypit të Partisë Socialiste pak para se kati i parë i selisë rozë të gëlojë nga gazetarët e të gjithë televizioneve të tjera. SYRI TV nuk e transmetoi bashkëbisedimin e Ramës. E marta vjen shpejt.