Një aksident i rëndë ka ndodhur në aksin rrugor Lushnje-Berat, në vendin e quajtur “Fiershegan”. Një automjet “Benz” është përplasur me një “Toyota”. Policia bën të ditur se kanë mbetur të plagosur 7 persona, mes tyre edhe 3 fëmijë.
Sipas policisë, si pasojë e përplasjes kanë mbetur të dëmtuar shtetasi F.M dhe pasagjeri në automjetin tip “Benz”, shtetasi I.Q si edhe shtetasi A.P dhe pasagjerët në mjetin tip “Toyota” shtetasja A.P dhe 3 fëmijë të mitur 5, 7 dhe 13 vjeç, të cilët ndodhen në Spitalin e Lushnjes nën kujdesin e personelit mjekësor.
Policia po punon për të zbardhur shkaqet e këtij aksidenti të rëndë.
