“Nuk kemi kohë të humbim me ata që s’mbarojnë punë” Valbona Selimllari i bashkohet PS, ja mesazhi i ish-Missit (VIDEO)

Shumë figura të njohura po zgjedhin ti bashkohen Partisë Socialiste në prag të zgjedhjeve elektorale të cilat do të zhvillohen më 25 prill të vitit të ardhshëm.

Ndërkohë, pas këngëtarit Landi Hysi, sopranos Vikena Kamenica dhe aktores Monika Lubonja, mësohet se dhe ish-missi Valbona Selimllari ka vendosur të bëhet pjesë e familjes socialiste.

Teksa shoqëronte kryetarin e Bashkisë së Tiranës Erion Veliaj gjatë një takimi në Zall-Bastar, Selimllari e sqaroi këtë vendim dhe arsyen pse e kishte marrë me anë të një shprehje të vjetër nga Përmeti.

“Tek Partia Socialiste jam sepse ne kemi një thënie nga Përmeti. Unë jam përmetare me origjinë dhe themi: Ai djali dhe ajo vajza po janë punëmbaruar dhe kjo fjalë më ka mbetur gjithmonë në mendje se ma thoshte gjyshi dhe nëna: “Punëmbaruari është gjithmonë i suksesshëm” dhe në fakt unë jam me punëmbaruarit, sepse për hir të së vërtetës nuk kemi kohë të humbim me ata që s’mbarojnë punë.”, deklaroi Selimllari.