‘Çe do Rama mandatin e tretë? Të na dhj*së fare?” Nuk përmbahet ish-ministri socialist: Të isha si ai, do kisha ikur vetë

Ish-ministri i Shëndetësisë Leonard Solis ka folur rreth situatës politike në Shqipëri.

Ai deklaroi se gjendja është e paprecedentë, duke komentuar listat e propozuara nga PS, opozitën në parlament dhe synimin e Ramës për të marrë mandatin e tretë.

Ndër të tjera, ai e cilësoi kryeministrin si një fatkeqësi kombëtare.

“Na ka futur në një rrugëkryq. Fryma është e keqe, pasi një njeri i vendosur në presion, mund të bëjë ndryshe. Diplomatët duhet të kenë rolin e tyre dhe jo të përdoren. Unë e quaj Edi Ramën fatkeqësi kombëtare, e them i parreshtuar në ndonjë forcë politike. Ka bërë gabime afatgjata, gafa.

Do vetëm veten e tij. Këtu është një pusetë me kapakun e hapur. Kur të ikë Edi Rama, do e shihni sa do të qelbë ky kapak. Nuk jam në politikë. E shoh situatën me keqardhje. Do marrë një mandat të tretë më timonin? Me kusinë? Me kazanin?! Për ca e do mandatin e tretë ai? Të na dh…fare për nja 10 vjet?”, u shpreh Solis në emisionin “Kjo Javë”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Deputetët që bëjnë opozitën në parlament sipas Solis përfaqësojnë vetëm gratë e tyre.

Sipas Solis deputetët që bëjnë të ashtuquajturën opozitë në parlament përfaqësojnë vetëm gratë e tyre atje ku janë.

Ish-ministri bëri edhe një krahasim të modelit të listave që propozon Edi Rama. Ai kujtoi një palë pantallona me komça që mbante dikur Rama dhe që i hapte dhe i mbyllte si donte vetë. Në këtë formë janë bërë edhe listat e kandidatëve për deputetë sipas Solis.

“Opozita e vërtetë nuk duhet ta braktiste anijen, pavarësisht motit të keq. PD është shumë më gati se Edi Rama. Boll që të priten ato zullume. Boll që të vijë, dhe unë them se do të bëhen gjëra të mira. Po të isha si ai, do kisha ikur vetë. Listat Edi Rama i ka bërë si pantallonat e tija. Kur isha ministër, Rama kishte ca pantallona që i hapte me komça. Ose hapen listat, ose mbahen të mbyllura. Listat e hapura mund të bëhen. Policia e Shtetit sot më duket si gjobaxhie. Ministri Lleshaj më duket jeniçer, më duket se bën atë që thotë Rama”, tha Solis.