Çfarë po ndodh në burgun e Peqinit? Klement Balili shtrohet me urgjencë në spital

Klement Balili i njohur ndryshe si “Escobari” i Ballkanit është shtruar në spitalin e bugrut të Peqinit pasi ka thënë se nuk e përballon dot “burgun në siguri të lartë”.

Ndërkohë 120 të dënuar në burgun e Peqinit kanë hyre në grevë urie, ata kërkojnë takime me të afërmit, si dhe të mos aplikohet burgu i përjetshëm, por të zbresë në 20 vjet burg e po ashtu të mos dënohen kur kapen me telefona në qeli.

Po ashtu, ata kanë firmosur një peticion ku kërkojnë dorëheqjen e Drejtorit Agim Ismaili si dhe të fiken dritat natën në qeli.
Por ajo që vlen të theksohet është se fenomeni i “të sëmurit” po përsëritet tek burgu i Peqinit. Pasi gjatë javës u shtruan në spital Gate Mahmutaj, Arbjon Aliko dhe Genci Balla.

Nuk dihet ende se çfarë ndodh pas dyerve të këtij institucioni të vuajtjes së dënimit ndërsa drejtoria e përgjithshme e burgjeve nuk jep asnjë shpjegim.