Nëna e Kim Kardashian, Kris Jenner mund të përballet së shpejti me telashe të mëdha.
Ish-truproja e saj e ka akuzuar për ngacmim seksual.
Ai pretendon se Jenner i ka paraqitur kërkesa seksuale kur punonte për sigurinë e saj.
Por nga ana tjetër vetë menaxherja e të famshmeve “Kardashian-Jenner” i ka mohuar këto akuza.
Gjithashtu ky pretendim është cilësuar si “qesharak” nga avokati i Kris Jenner. 64-vjeçarja akuzohet se ka masazhuar qafën, krahët, shpatullat si dhe futi duart në organet e tij. Ish trupoja, i cili ka zgjedhur të mos identifikohet, gjithashtu pretendon se ylli i “Keeping Up Ëith The Kardashians” ekspozoi pjesë të trupit të saj në një mënyrë të pahijshme.
Marty Singer, i cili është avokati i Jenner, lëshoi një deklaratë duke mohuar me forcë akuzat.
“Kris kategorikisht mohon se është sjellë ndonjëherë në mënyrë të papërshtatshme ndaj [akuzuesit],” tha ai. “Roja i sigurimit ka punuar jashtë shtëpisë dhe ai kurrë nuk ka hyrë në shtëpinë e Kris.”
Singer, një avokat hollivudian i njohur për mbrojtjen e të pasurve dhe të famshmëve, tha që roja i sigurimit kishte “shumë pak ndërveprim” me Jenner gjatë kohës që punoi me familjen e famshme të TV realitet.