Ditën e sotme në Tiranë do të mbahet mbledhja e përbashkët mes dy qeverive, asaj të Kosovës dhe Shqipërisë.
Ndërkohë kryeministri Edi Rama bashkë me homologun e Kosovës Avdullah Hoti kanë mërritur në Pallatin e Kongreseve, aty ku do të zhvillohet ky takim i rëndësishëm.
Aty pritet të nënshkruhen 14 marrëveshje, mes të cilave dogana në Durrës (për Kosovën), linja hekurudhore dhe hidrocentrali për Kosovën që do të ndërtohet në Shqipëri.
Ndërkohë është zbuluar edhe slogani domethënës i kësaj tryeze.
Zv/kryeministrja e Kosovës Albulena Halimaj ka zbuluar se në mes të ‘tryezës’ shkruhet ‘Bashkë pa kufi. Në një rajon pa kufi’. Ndërkohë dekori i sallës është një harmoni ngjyrash të flamurit kuqezi shqiptar dhe atij të Kosovës.