Vrasja e ish-deputetit të PD Azem Hajdari ende nuk është zbardhur plotësisht, dhe pse kanë kaluar 22 vite nga ngjarja e rëndë.
Ndërkohë sot pritet të zhvillohet një seancë në Gjykatën Penale, për një nga personat e përfshirë, ish-truprojen e Sali Berishës, Izet Haxhinë.
Mësohet se ky i fundit ka kërkuar 18 dëshmitarë që të thirren në sallën e gjyqit dhe të flasin në lidhje me vrasjen.
Ata janë:
– Zenel Neza
– Jaho Mulosmani
– Sali Berisha
– Mbesa e Sali Berishës, Shpresa Breçani
– Vëllai i Zenel Nezës, Haki Neza
– Afrim Krasniqi
– Ylli Rakipi
– Shaban Memia
– Dem Dollapi
– Sali Lusha
– Genc Hoti
– Agim Logu
– Mentor Daja
– Ismet Jovani
– Aishe Haklaj
– Zylfie Haklaj
– Marjam Gryku
Kujtojmë se Izet Haxhia është dënuar në mungesë me 25 vite burg për vrasjen e ish-deputetit Azem Hajdari. Pas 17 vitesh në mungesë dhe azil në Turqi, Haxhia është rikthyer me vullnetin e tij në Shqipëri duke kërkuar rihapjen e dosjes, pasi ai kurrë nuk i ka pranuar akuzat e ekzekutimit të Hajdarit në 1998.
Sipas Haxhisë, ai nuk ka pasur lidhje me atentatin, ndërsa i dënuar është edhe vëllai i tij, Ismeti. Dëshmitarët kanë pretenduar se ishte Haxhia personi që e nxiti deputetin Hajdari që të dilte jashtë selisë dhe të përballej me Fatmir Haklajn.