Tensionohet situata/ ‘Le të varroset familja ime’ Gjyqtarja përplaset me policinë: Mos më prek, shtet mafioz dhe i korruptuar

Ditën e sotme gjykata ka lënë në fuqi masën e sigurisë “arrest shtëpie” për gjyqtaren Mimoza Margjeka.

Por situata është tensionuar menjëherë pas seancës, pasi Margjeka e irrituar u përplas dhe me efektivët e policisë të cilët e shoqëronin.

Pas dhënies së vendimit, gjyqtarja deklaroi se nuk ka lidhje me akuzat që i janë bërë, madje kërkoi që të ishte e pranishme edhe media.

Sipas saj i gjithë procesi është politik, pasi ka refuzuar ti japë mandatin kryebashkiakes së Durrësit Valbona Sako.

“Mos më prek. Nuk ju heq kush nga puna. Nuk bëhet shteti me kriminelë. Nuk ka asnjë provë. Gjyqtarët janë frikësuar”, tha gjyqtarja.

Teksa pengohej nga policia të fliste, ajo e irrituar tha: “Mos më prek moj zonjë”.

Margjeka: Keni thënë gjëra të pavërteta. Nuk ka asnjë provë. Është përgatitje. Unë kërkova seancën publike. Ky shtet nuk bëhet më. Guxoni ti dilni përballë shtetit, harrojeni. Kush i ka dalë është futur në burg. Nuk ka asnjë provë. E kam dosjen këtu. E kanë bërë gjyqin të fshehtë. I dola përballë.

Policia: Vazhdo

Margjeka: Lërmë të flas. Mos më prek. Nuk i dhashë mandatin bashkisë Durrës. Le të varroset familja ime. Nuk e meritonin.

Është turp, ku do e coni këtë vend. E kuptoni që kisha në dorë dosjen e Lalzit. Shtet mafioz, shtet kriminal i korruptuar.