“Mos rrini ulur dhe të ankoheni” Ambasadorja Kim bën thirrjen e fortë: Sot afati i fundit, çohuni dhe veproni

Një tjetër thirrje e fortë vjen nga ambasadorja e SHBA në Tiranë Yuri Kim.

Kjo e fundit u drejtohet të gjithë atyre që duan të aplikojnë për tu bërë pjesë e BKH se afati i fundit është sot.

“Koha për të ndërmarrë veprime kundër korrupsionit dhe krimit të organizuar në Shqipëri. Kjo është një mundësi për të bërë një ndryshim duke u bërë një hetues special i NBI. Afati i fundit i aplikimit është sonte në mesnatë. Mos rrini ulur dhe të ankoheni – çohuni dhe veproni”, shkruan Kim.

Kujtojmë se hetuesit e BKH-së kanë përgjegjësinë të kryejnë hetime penale nën drejtimin e Prokurorëve të Posaçëm dhe kanë statusin e oficerit të policisë gjyqësore.

Sistemi i përzgjedhjes së hetuesve të BKH-së është një proçes sfidues mendor dhe fizik, i përgatitur për të gjetur kandidatët më të aftë dhe me integritet. Ata që janë të suksesshëm në proçesin e përzgjedhjes do t’i bashkohen një skuadre elitë që mbështet Prokurorët e Prokurorisë së Posaçëm të cilët do të ndjekin dhe hetojnë veprat penale në fushën e korrupsionit dhe krimit të organizuar.