Një aksident i ndodhur të dielën e kaluar i mori tragjikisht jetën 10-vjeçarit shqiptar në Itali.
“Një tragjedi e tmerrshme. Nuk ka fjalë për të komentuar vdekjen e një fëmije që i gjithë komuniteti e njeh dhe e do. Një fëmijë që ka qenë gjithmonë i qeshur, i gëzuar dhe i shoqërueshëm, e që në thelb pasqyron familjen Kazazi. Një familje e mrekullueshme ndaj së cilës komuniteti tashmë i është më pranë se kurrë pas kësaj tragjedie”, është shprehur Luca Pezzani, kryetari i Bashkisë Petritoli.
I ati Kristianit quhej Toni dhe e ëma Brunilda, si edhe një motër me emrin Klarisa. Kristiani ishte duke shkuar me të atin për në restorantin ku punonte nëna e tij.
Ngjarja e rëndë ndodhi pak pas mesnatës të së dielës ku mjeti tip “Fiat Panda” humbi kontrollin në rrugë dhe u përplas me një mur.
Për shkak të përplasjes së forte, fëmija ka dalë nga makina ku edhe ka ndëruar jetë në vend nga plagët e marra.