Edhe politikanët në Shqipëri duket se e kanë të pamundur ti shpëtojnë infektimit nga COVID19.
Mësohet se deputeti i Partisë Socialiste në Elbasan, Florenc Spaho ka rezultuar pozitiv me koronavirus.
Lajmin e ka bërë të ditur “Abcnews”, ku thuhet se deputeti është karantinuar bashkë me familjen në shtëpi dhe ndodhet në gjendje të mirë shëndetësore.
Spaho, i cili është doktor me profesion, është shprehur në muajin mars se do të ndihmojë kolegët e tij në spitale që të përballojnë situatën me virusin.
Ndërkohë numri i të infektuarve në vend ka shkuar në 13153, ndërsa ai i viktimave në 375. Në qytetin e Elbasanit janë 309 raste aktive ndërsa vendin e parë e mban kryeqyteti, Tirana me 2658.